FARAH AIPA UINGEREZA DHAHABU.

 Mwanariadha nyota wa mbio ndefu kutoka Uingereza Mo Farah amefanikiwa kunyakuwa medali ya dhahabu katika katika mbio za mita 10,000 kweye michuano ya Olimpiki inayoendelea jijini London na kukamilisha usiku wenye mafanikio zaidi kwa wanamichezo wa Uingereza wanaoshiriki michuano hiyo. Katika muda huohuo ambao Farah alinyakuwa medali hiyo, wanamichezo wengine wawili nao walishinda

medali za dhahabu ambao ni Jessica Ennis alishinda mashindano ya kurusha mkuki huku Greg Rutherford naye akiibuka kidedea katika mashindano kuruka chini. Farah mwenye umri wa miaka 29 ambaye pia ni bingwa wa dunia wa mbio za mita 5000 alimaliza mbio hizo akitumia muda wa dakika 27 na sekunde 30.42 huku Galen Rupp ambaye wanafanya mazoezi pamoja akinyakuwa medali ya fedha kwa kukamata nafasi ya pili wakati nafasi ya tatu ikishikiliwa na Tariku Bakele. Ushindi huo wa Farah umekomesha ufalme wa wanariadha wa Ethiopia ambao wamekuwa mabingwa wa mbio za umbali kwenye michuano hiyo mara nne huku akimsimamisha mwanariadha nyota kutoka huko Kenenisa Bakele kushinda michuano hiyo kwa mara ya tatu mfululizo.