BOLT, RUDISHA WAWEKA HISTORIA OLIMPIKI.

 Usain Bolt akiwa na Yohane Blake kushoto na Warren Weir.

Mwanariadha nyota wa mbio fupi Usain Bolt kutoka Jamaica amejinasibu kuwa ndiye mwanariadha pekee wa kihistoria kuwepo baada ya kufanikiwa kutetea medali zake katika michuano ya olimpiki jijini London. Bolt alitamba hivyo baada ya kufanikiwa na kuwa mwanariadha wa kwanza kutetea ubingwa wake katika mbio za mita 100 na 200 katika michuano ya olimpiki. Kabla ya fainali ya mbio hizo za mita 200 Bolt alidai

kwamba anaweza kuvunja rekodi yake ya dunia aliyoweka ya muda wa sekunde 19.19 lakini baada ya fainali hiyo alikiri kuwa alikuwa na kasi lakini hakuwa katika kiwango chake cha kawaida na kuonya kuwa bado hajafikiria kustaafu kwani anaupenda mchezo huo. Katika mbio hizo Jamaica ndio walionekana kutamba kwa kunyakuwa medali zote ambapo Yohane Blake alinyakuwa medali ya fedha kwa kushika nafasi ya pili huku mwanariadha anayechipukia Warren Weir akipata medali ya Shaba nyuma ya Bolt ambaye alitumia muda wa sekunde 19.32. 

David Rudisha.

Kwa upande wa mbio za mita 800 wanaume, mwanariadha nyota kutoka Kenya David Rudisha alifanikiwa kuweka rekodi mpya katika mbio hizo akitumia muda wa dakika moja na sekunde 40.91 na kuondoka na medli ya dhahabu. Rudisha ambaye ana umri wa miaka 23 alivunja rekodi yake mwenyewe aliyoweka katika michuano ya olimpiki iliyofanyika jijini Beijing mwaka 2008 na kuwa mwanariadha wa kwanza katika mbio za umbali huo kufanya hivyo kwenye historia ya michuano hiyo. Nafasi ya pili katika mbio hizo ilichukuliwa na Nijel Amos kutoka Btswana ambaye ana miaka 18 huku nafasi ya tatu ikichukuliwa na mkenya mwingine Timothy Kitum ambaye naye ana umri kama wa Amos.