MAKHLOUFI WA ALGERIA ASHINDA DHAHABU MITA 1500.

Taoufik Makhloufi.

Mwanariadha nyota kutoka Algeria, Taoufik Makhloufi amefanikiwa kushinda medali ya dhahabu katika mbio za mita 1500 ikiwa ni taji lake kubwa la kwanza. Makhloufi ambaye ana umri wa miaka 24 alimaliza mbio hizo akitumia muda wa dakika tatu na sekunde 34.04 akiwazidi Leonel Manzano wa Marekani

ambaye alinyakuwa medali ya fedha akitumia muda wa dakika tatu na sekunde 47.79 na Abdalaati Iguider wa Morocco akinyakuwa medali ya shaba. Bingwa mtetezi wa mbio hizo Asbel Kiprop kutoka Kenya alishika nafasi ya mwisho katika mbio hizo kutokana na kupata maumivu ya misuli. Makhloufi abaye alifika hatua ya nusu fainali katika michuano ya dunia ya mbio hizo iliyofanyika jijini Daegu alikuwa akichuana vikali na Kiprop ambaye ni bingwa wa michuano hiyo iliyofanyika jijini Beijing lakini alipoumia Mualgeria huyo alijiweka katika nafasi nzuri na kuhakikisha anamaliza wa kwanza.