MAMA WA P-SQUARE KUZIKWA AUGUST 2.

Mrs Josephine Okoye.
Mtandao wa Nigeriafilms umeyapata maelezo yaliyoandikwa na msemaji wa P-Square, Square Image Associates, yanayothibitisha kuwa mwili wa mama yao mzazi na wasanii hao Mrs Josephine Okoye, utazikwa August 2, 2012.

Mrs Okoye, 62, aliyefariki jumatano ya July 11, 2012, atazikwa kwenye nyumba ya mume wake huko Ifite-Dunu, kijiji cha Akwa katika jimbo la Anambra siku ya alhamis August 2.
Muda mfupi kabla ya mazishi mwili wake utaagwa kwenye kijiji cha Umudioka jimboni Anambra na kufanyika misa kwenye kanisa katoliki la St. Gabriel.
Mazishi hayo yatakayokuwa na ulinzi mkali yanatarajiwa kuhudhuriwa na watu maarufu nchini humo kwenye burudani na baadhi ya magavana wa majimbo.
Mpaka kifo chake Mrs. Okoye alikuwa mwangalizi mkuu wa ‘Friends of Jesus Catholic Prayer Ministry’ yenye makao makuu yake mjini Jos katika jimbo la Plateau.
Mama huyo aliyefariki saa tano baada ya upasuaji wa moyo katika hospitali ya Apollo ya nchini India, ameacha mume na watoto wanane ambao ni Christopher, Henry, Jude, Lilian, Tony, Peter, Paul na Mary.