MAJERUHI MESSI AIKOSESHA MAPATO BARCELONA.

Lionel Messi.

Klabu ya Barcelona imekiri kuwa kutokuwepo kwa mshambuliaji nyota wa kimataifa wa Argentina, Lionel Messi katika mchezo wa kirafiki uliochezwa jijini Humburg kwasababu ya maumivu umeikosesha klabu hiyo fedha nyingi. Barcelona ilithibisha kuwa kukosekana kwa mchezaji huyo kucheza nchini Ujerumani katika

mchezo wa Jumanne umeikosesha asilimia 30 ya mapato ambayo ilikuwa ipate kutokana na mchezo huo ambayo inafikia kiasi cha dola 360,000. Katika mchezo huo Barcelona ilifanikiwa kuifunga Humburg mabao 2-1 ambayo yalifungwa na Dani Alves na Gerard Deulofeu ambapo timu hiyo pia iliwakosa nyota wake wanaocheza katika timu ya taifa ya Hispania ambao bado wako katika mapumziko baada ya kushinda taji la Ulaya nchini Ukraine mapema mwezi huu. Barcelona inatarajiwa kucheza mchezo mwingine wa kirafiki na timu ya Raja ya Morocco Jumamosi lakini haijajulikana kama mchezaji huyo atakuwa amepona kwa ajili ya mchezo huo.