KOMPANY AJITIA KITANZI KIREFU CITY.

Vincent Kompany.

Nahodha wa klabu ya Manchester City, Vincent Kompany amesaini mkataba mpya wa miaka sita na klabu hiyo ambao ni mabingwa wa Ligi Kuu nchini Uingereza. Mchezaji huyo wa kimataifa wa Ubelgiji mwenye miaka 26 alijiunga na City akitokea klabu ya Humburg ya Ujerumani mwaka 2008 na msimu uliopita

aliiwezesha klabu hiyo kushinda taji lake la kwanza la ligi toka kwa 1968. Kompany alikaririwa katika tovuti ya klabu hiyo akisema kuwa ana furaha kuwepo klabuni hapo hivyo hana sababu ya kuhangaika kutafuta mahali pa kwenda ndio maana ameamua kusaini mkataba mrefu na klabu hiyo. Mchezaji ambaye alianza kucheza katika klabu ya Anderletch ya nchini kwake kabla ya kuhamia Ujerumani alinunuliwa na City wakati ikinolewa na Mark Hughes ikiwa ni muda mfupi kabla ya Sheikhe Mansour kuinunua klabu hiyo na kuanza kumwaga mahela katika kununua wachezaji nyota.