NEYMAR AMPIGIA CHAPUO MESSI KUNYAKUWA BALLON D'OR.

Mshambuliaji wa kimataifa wa Brazil na klabu ya Santos, Neymar amedokeza kuwa anampa nafasi mshambuliaji nyota wa Barcelona kunyakuwa tuzo ya mchezaji bora wa dunia inayojulikana kama Ballon d’Or kwa mwaka huu. Messi ambaye ni raia wa Argentina anapewa nafasi kubwa ya kunyakuwa tuzo hiyo

baada ya kuonyesha kiwango cha juu katika timu yake na kuiwezesha kunyakuwa mataji manne katika msimu wa mwaka 2011-2012 huku akiwa amefunga mabao 73 katika mashindano yote. Akihojiwa baada ya wadau kumfananisha na Messi, Neymar alipingana na kauli hizo akisisitiza kuwa anategemea nyota huyo wa barcelona kushinda tuzo hiyo kwani hakuna mchezaji wa aina yake kwenye soka hivi sasa. Messi ambaye anaongoza kwa kufunga mabao mengi katika historia ya Barcelona, alimfikia Michel Platini ambaye kwasasa ni rais wa Shirikisho la Soka la Ulaya-UEFA kwa kunyakuwa tuzo ya Ballon d’Or mara tatu mfululizo.